Калі цябе хвалюе пытанне «Што робіць нас людзьмі?» — скарыстайся магчымасцю паглядзець дакументальны фiльм — кранальны, неверагодна прыгожы твор мастацтва, здольны памяняць тваё стаўленне да жыцця.
Велізарная кінастужка «Чалавек», сабрала ў сябе аповеды 2 тысяч людзей з 60 краін свету, магчыма, не адкажа на ўсе пытанні, але з'яўляецца адпраўной кропкай для дыялогу на тэму «чалавечнасці».
Гэты фільм стаў першым фільмам, прэм'ера якога адбылася на Генеральнай асамблеі ААН, дзе яго паглядзелі больш за тысячу чалавек. У дзень прэм'еры кампанія Google запусціла фільм на шасці каналах YouTube з субтытрамі на арабскай, англійскай, французскай, партугальскай, іспанскай і рускай мовах.
Дарэчы гэта ўжо трэцяя частка трылогіі «Чалавек», якую Валантэрская Служба «Вясны» паказвае у Гомелі. Калі вы не былі на папярэдніх частках — не бяда, таму што гэта абсалютна не перашкодзіць агульнаму ўспрыманню ідэі дакументальнага фільма.
Удзел ва ўсіх мерапрыемствах абсалютна бясплатны. Таксама вас будзе чакаць кава/гарбата і печыўкі.
