Большасць з нас з нецярпеннем чакае лета. Жывая Бібліятэка яго таксама чакае, таму што на пачатку чэрвеня зноў сустрэнецца з вамі.
Для тых, хто яшчэ не ведае, што такое Жывая Бiблiятэка: гэта мерапрыемства, дзе ў адной прасторы збіраюцца зусім розныя людзі з асабістымі гісторыямі, незвычайнымі лёсамі, цікавымі ідэямі і свежымі думкамі. Яны гатовыя шчыра расказаць пра сябе, адказаць на пытанні, падзяліцца сваім досведам… i паказаць, што кожны з нас індывідуальны і непаўторны.
Жывая Бібліятэка дапамагае асэнсаваць і пераасэнсаваць стэрэатыпы грамадства, якія далёка не заўсёды спрашчаюць нам жыццё.
ЖБ з задавальненнем запрашае вас 9 чэрвеня з 13:00 да 18:00 на мерапрыемства, дзе вы зможаце пагутарыць з людзьмі, якіх складана сустрэць «на вуліцы». А кубачак кавы ці гарбаты са смачным печывам, якія мы для вас падрыхтавалі, зробіць сустрэчу яшчэ больш прыемнай.
Сустрэча адбудзецца ў культурным хабе OK16 (вул. Кастрычніцкая,16), у прасторы «Ангар». Сама прастора дасяжная для людзей у вазках, але прыбіральні, на жаль, пакуль не.
Уваход вольны! Па жаданні можна прайсці папярэднюю рэгістрацыю па спасылцы да 21:00 8 чэрвеня. Усе зарэгістраваныя Чытачы і Чытачкі атрымаюць электронную версію поўнага каталога Кніг.
